Ямал Чемпионлар Лигаси «гол+пас» тизими бўйича 100 очко тўплади
«Барселона» ҳужумчиси Ламин Ямал УЕФА Чемпионлар Лигаси чорак финали доирасида Мадриднинг «Атлетико» клубига қарши жавоб учрашувида гол уриб, «кўк-анорранглилар» сафидаги 150 та ўйинда «гол+пас» тизими бўйича 100 очколик кўрсаткичга (48 та гол ва 52 та самарали узатма) эришди. Бу ҳақда Transfermarkt портали хабар бермоқда.
Учрашув Мадридда, «Сивитас Метрополитано» стадионида бўлиб ўтмоқда ва ўйинни бош ҳакам Клеман Тюрпен бошқармоқда. Айни дақиқаларда каталонияликлар 2:1 ҳисобига олдинда бормоқда.
Эслатиб ўтамиз, жамоалар ўртасидаги дастлабки учрашувда «Атлетико» 2:0 ҳисобига ғалаба қозонган эди.
Мусобақанинг 1/8 финал босқичида «Барселона» икки ўйин натижасига кўра «Ньюкасл»ни 8:3 ҳисобига таслим этган бўлса, «матрасчилар» худди шу босқичда «Тоттенхем»дан устун келган (умумий ҳисоб — 7:5).
