Ямал «Атлетико»дан учралган мағлубият ҳақида фикр билдирди
Мадридликларга қарши кечган баҳсда 18 ёшли футболчи тўлиқ ҳаракат қилди.
ФОТО: Getty Images
«Барселона» қанот ҳужумчиси Ламин Ямал Чемпионлар лигаси чорак финали доирасида Мадриднинг «Атлетико» жамоасидан қабул қилинган мағлубиятдан (0:2) сўнг, ижтимоий тармоқдаги саҳифасида мухлисларга мурожаат қилди.
«Ҳаммаси ҳали тугагани йўқ. Жавоб учрашувида боримизни берамиз. Ҳар доим биргамиз», — деб ёзди Ямал.
«Матрасчилар»га қарши кечган баҳсда 18 ёшли ҳужумчи тўлиқ 90 дақиқа ҳаракат қилди. Ламин Ямал жорий мавсум Чемпионлар лигаси доирасида жами 9 та учрашувда майдонга тушиб, ўз ҳисобига 5 та гол ва 3 та самарали узатмани ёздириб қўйди.
Эслатиб ўтамиз, «Барселона» ҳамда «Атлетико» жамоалари ўртасидаги жавоб учрашуви 14 апрел куни Мадридда бўлиб ўтади.
Насрулло Каримов
Журналист