Якунланган мавсум Навбахор мағлубиятсиз ва қуруқ сериялар бўйича қандай натижани амалга оширди?
“Навбахор”нинг якунланган мавсумга оид статистик маълумотлари билан таништиришда давом этамиз.
Қуйида эътиборингизга “лочинлар”нинг Суперлига – 2025 да қайд этган мағлубиятсиз ва “қуруқ” сериялари билан таништирамиз.
Якунланган мавсумда “Навбахор” дарвозасига 12 та ўйинда рақиблар тўп кирита олишмади.
Албатта, ушбу муваффақиятда жамоамиз дарвозабонлари – Шуҳрон Йўлдошев ва Умиджон Эргашевлар билан биргаликда тажрибали ҳамда маҳоратли ҳимоячиларнинг ҳам муносиб ҳиссалари бор.
Мавсум – 2025 да “лочинлар” жами 7 марта мағлубиятсиз серияни қайд этишди. Ушбу сериялар 3 марта 3 та (1-3, 9-11, 16-18-турлар), 4 марта 2 тадан ўйинлардан (13-14,20-21,23-24, 29-30-турлар)дан иборат бўлди.
Таъкидлаш жоизки, якунланган мавсумда наманганликлар 1 марта 2 ўйиндан (13-14-турлар) иборат “қуруқ” серияни қайд этишга ҳам муваффақ бўлишди.
Шунингдек, юқоридаги баҳслардан ташқари, яна 3 та беллашувда (5,7,27-турлар) ҳам “лочинлар” ўз дарвозалари дахлсизлигини сақлаб қолишга муваффақ бўлишди.
Бу эса юқорида келтирганимиздек, “Навбахор” дарвозабонларининг маҳорати ва ҳимоячиларимизнинг ишончли ҳамда мустаҳкам ҳимоя қорғонини ташкил этгани билан боғлиқ.
