Яқин Шарқдаги сиёсий вазият сабаб Роналду Саудияни тарк этди

«Ан Наср» яримҳимоячиси Криштиану Роналду оиласи билан шошилинч равишда Саудия Арабистонини тарк этди. Бу ҳақда Британиянинг Тhe Sun нашри хабар бермоқда.

Манбага кўра, футболчи шахсий самолётда учиб кетган. Унинг самолёти парвозларни кузатиш тизимида қайд этилган ва Мадридга қўнган.

Роналду Ар Риёд шаҳрида рафиқаси Жоржина Родригес ҳамда беш фарзанди билан яшаб келаётганди. Ўтган ҳафта охирида шаҳар дрон ҳужумларига учрагани айтилмоқда. Бу ҳолат Яқин Шарқдаги геосиёсий вазият кескинлашгани билан боғлиқ. Ҳужумлар давом этаётгани футболчининг мамлакатни тарк этиш қарорига таъсир қилган бўлиши мумкин.

Эслатиб ўтамиз, 41 ёшли футболчи ушбу мавсумда «Ан Наср» сафида барча мусобақаларда 22 та баҳсда майдонга тушиб, 20 та гол урган.

Розикжон Султонмуродов

Журналист