Yaqin Sharqdagi siyosiy vaziyat sabab Ronaldu Saudiyani tark etdi
“An-Nasr” yarimhimoyachisi Krishtianu Ronaldu oilasi bilan zudlik bilan Saudiya Arabistonini tark etdi. Bu haqda Britaniyaning The Sun nashri xabar bermoqda.
Manbaga ko‘ra, futbolchi shaxsiy samolyotida uchib ketgan. Uning samolyoti parvozlarni kuzatish tizimida qayd etilgan va Madridga qo‘ngan.
Ronaldu Ar-Riyod shahrida rafiqasi Jorjina Rodriges hamda besh farzandi bilan yashab kelayotgandi. O‘tgan hafta oxirida shahar dron hujumlariga uchragani aytilmoqda. Bu holat Yaqin Sharqdagi geosiyosiy vaziyat keskinlashgani bilan bog‘liq. Hujumlar davom etayotgani futbolchining mamlakatni tark etish qaroriga ta’sir qilgan bo‘lishi mumkin.
Eslatib o‘tamiz, 41 yoshli futbolchi ushbu mavsumda “An-Nasr” safida barcha musobaqalarda 22 ta bahsda maydonga tushib, 20 ta gol urgan.
