«Вулверхэмптон» АПЛнинг биринчи даврасини ғалабасиз якунлади
«Бўрилaр» ҳозирда 3 очко билан 20-ўринда бормоқда.
ФОТО: Getty Images
«Вулверхэмптон» Англия Премьер-лигасининг 19-туридан сўнг атиги уч очко жамғарган ҳолда мусобақанинг биринчи даврасини ғалабасиз якунлади. «Бўрилaр» навбатдаги очкони 30 декабрь куни «Манчестер Юнайтед»га қарши сафар учрашувида қўлга киритди — 1:1.
Шу тариқа, «Вулверхэмптон» жорий мавсумдаги уч очконинг барчасини дуранглар эвазига жамғарди. Аввалроқ жамоа «Тоттенхэм» (1:1) ва «Брайтон» (1:1) билан ҳам дуранг ўйнаган эди.
19 турдан кейин «Вулверхэмптон» Англия Премьер-лигаси турнир жадвалида 20-ўринда бормоқда. Жамоа 19 учрашувда уч очко тўплаган, тўплар нисбати эса 11:40 ни ташкил этмоқда.
