\"Вулверхэмптон\" Аббосбек Файзуллаевни шорт-листига киритди
Инглиз клуби яна бир нечта футболчиларни кузатмоқда.
Фото: Getty Images
Ўзбекистон терма жамоаси ва Москванинг “ЦСКА” клуби ярим ҳимоячиси Аббосбек Файзуллаев фаолиятини Англия Премьер Лигасида давом эттириши мумкин.
Telegramдаги Спартак Информ нашри тарқатган хабарга кўра, футболчи “Вулверҳэмптон”нинг ёзги трансфер ойнасида харид қилмоқчи бўлган футболчилар рўйхатидан жой олган.
ОАВда тарқалган фотода клуб ёзги трансфер ойнасида таркибини кучайтириш учун бир нечта номзод футболчиларнинг исми тузиб чиққан. Улар орасида Аббосбек Файзуллаев ҳам бор. Ҳамюртимиз ҳужум ортида позициясига мўлжалланмоқда.
Маълумот учун, Аббос Файзуллаев 2024/25 йилги мавсум Россия Премьер Лигаси доирасида 27 ўйинда майдонга тушиб, ўз ҳисобига 2 та гол ва 4 та голли узатма ёздириб қўйди.
Розикжон Султонмуродов
Журналист