Возинья Жаҳон чемпионатлари тарихига кирди
Кабо-Верде терма жамоасининг 40 ёшли дарвозабони Жозимар Возинья ЖЧ-2026 гуруҳ босқичининг 1-турида Испанияга қарши кечган ўйинда (0:0) ўз дарвозасини дахлсиз сақлаб қолди. Шу тариқа, ушбу футболчи жаҳон биринчиликлари тарихида дебют учрашувида дарвозасини дахлсиз сақлаган энг ёшли дарвозабонга айланди.
Ушбу баҳсдан сўнг Испания ва Кабо-Верде терма жамоалари биттадан очко жамғариб, «H» гуруҳи турнир жадвалида пешқадамлик қилмоқда. 15-июндан 16-июнга ўтар кечаси мазкур гуруҳнинг 1-тури доирасида Саудия Арабистони ва Уругвай терма жамоалари ўртасида учрашув бўлиб ўтади.
«H» гуруҳининг 2-турида Испания миллий терма жамоаси Саудия Арабистони билан (21-июн), 3-турда эса Уругвай билан (27-июн) тўқнаш келади. Кабо-Верде эса 2-турда Уругвай (22-июн), 3-турда Саудия Арабистони (27-июн) билан ўйнайди.
Эслатиб ўтамиз, футбол бўйича Жаҳон чемпионати — 2026 мусобақаси АҚШ, Канада ва Мексика майдонларида 11-июндан 19-июлга қадар бўлиб ўтмоқда. Амалдаги жаҳон чемпиони Аргентина терма жамоаси ҳисобланади. 2022-йилги сайёра биринчилиги финалида Аргентина миллий жамоаси Франция билан тўқнаш келган. Ўйиннинг асосий вақти 3:3 ҳисобида якунланган, бироқ пенальтилар сериясида аргентиналиклар кучлироқ чиққан эди (4:2).
