Возиня Месси билан бўлган суҳбатини айтди
Кабо-Верде терма жамоаси дарвозабони Возиня ЖЧ-2026 1/16 финалида Аргентинага қарши ўйиндан кейин Лионел Месси билан бўлган суҳбатини эслади.
Унинг айтишича, ўйин тугагач, у Месси ёнига борган. Аммо Возиня бирор нарса дейишга улгурмасидан, Месси уни қучоқлаб, ўйинини юқори баҳолаган.
Месси дарвозабонга унинг ажойиб ўйнаганини ва яқинлари у билан фахрланиши кераклигини айтган.
Возиня эса Мессига миннатдорчилик билдириб, уни энг зўр футболчи деб атаган. Шундан сўнг у аргентиналик юлдуздан ушбу ўйиндаги футболкасини сўраган.
Месси бунга рози бўлиб, футболкани туннелда беришини айтган. Возиня эса бу каби лаҳзаларни умрининг охиригача эслаб қолишини таъкидлади.
Эслатиб ўтамиз, Аргентина Кабо-Верденинг қўшимча вақтдан сўнг 3:2 ҳисобида мағлуб этди. Кабо-Верде мусобақани тарк этган бўлса-да, жамоа ўз характери ва кураши билан мухлислар ҳурматига сазовор бўлди.
