Влатко Стояновский: «Машъалга медаллар учун келганман»
Муборакнинг «Машъал» футбол клуби янги мавсум олдидан таркибни тажрибали легионерлар билан кучайтиришда давом этмоқда. Жамоамизга македониялик ҳужумчи Влатко Стояновский қўшилди.
Янги футболчи клуб матбуот хизматига берган илк интервьюсида Муборакдаги илк таассуротлари ва олдига қўйган мақсадлари ҳақида фикр билдирди:
— Менинг исмим Влатко Стояновский. «Машъал» оиласининг аъзоси бўлганимдан жуда хурсандман. Клубдаги муҳит ва меҳмондўстлик биринчи кунданоқ мени ўзига жалб қилди, — деди ҳужумчи.
Стояновский Муборакка шунчаки футбол ўйнаш учун эмас, балки юқори натижалар учун келганини алоҳида таъкидлади:
— Мен бу ерга медаллар учун келганман. Жамоадошларим ва мураббийлар штаби билан биргаликда катта мақсадлар сари ҳаракат қиламиз. Ишонаманки, олдимизга қўйилган вазифаларни бажара оламиз.
