Владимир Бушма: “Кучли рақибга қарши тўп сурганимиздан хурсандман”
Владимир Бушма: “Кучли рақибга қарши тўп сурганимиздан хурсандман”
“Андижон” – “Крумкачи” (3:2) ўртасидаги ўртоқлик ўйинидан кейин рақиб жамоа бош мураббийи Владимир Бушма “Андижон” матбуот хизматига ўз фикрлари билан ўртоқлашди.
- Ўйин ҳақидаги фикрингиз қандай?
- Аввало, бу ўйинни ташкил қилганларга миннатдорман. Кучли рақибга қарши тўп сурганимиздан хурсандман. Ўйлашимча, ёигитларимиз бугун муносиб тўп суришди. Ўйиндаги кўп жиҳатлардан кўнглим тўлди. Одатда, ўз дивизионимизда кўпроқ позицион ҳужумда ўйнаймиз. Аммо бугун позицион ҳимояланишимизга тўғри келди.
- Бугунги рақиб – “Андижон” ҳақида нима деган бўлардингиз?
- Фикрим ижобий. Ўртоқлик баҳсида у билан учрашишимизни билгач, рақиб иштирокидаги ўйинлар видеёёзувларини ўрганиб чиқдим. Жамоа тўпни назорат қилишга кўпроқ урғу бериши эътиборимни тортди. Яхши рақиб. Ўйин қизиқарли бўлди. Яна бир бор уни ташкил қилганларга раҳмат айтиб қоламан.
