Виталий Галат: Пенальтилар борасида хавотирлар борлигини инкор этмайман
Суперкубок учрашувидан сўнг “Нефтчи” жамоаси дарвозабонлар мураббийи Виталий Галат билан интервью
— Аввалом бор Суперкубок баҳсидаги ғалаба билан табриклаймиз. Қўлга киритилган соврин сизда қандай ҳис туйғуларни уйғотди?
— Табрик учун раҳмат. Барчани ушбу ғалаба билан муборакбод этаман. Суперкубок жуда аҳамиятли соврин. Шунинг учун ғалабадан кейин қувонч ва ғурур туйғусини бошдан кечирдим
— Шогирдларингизни ушбу муҳим учрашувга руҳлантириш ишлари қандай кечди?
— Тажрибали футболчиларни руҳлантириш учун унчалик далда керак эмас, деб ўйлайман. Улар майдонда фақат ишонч билан ҳаракатланишларига ишора қиламан
— Кубок ўйини олдидан хавотирлар бўлганми?
— Пенальтилар борасида хавотирлар борлигини инкор этмайман. Чунки "Пахтакор" билан ўйиндан олдин пенальтиларни кимлар ва қандай ижро этишини ўрганиб чиққан эдик
— Суперкубок баҳсидан сўнг энг яхши ўйинчиларни айтиб бера оласизми?
— Бутун жамоамиз қўйилма-қом ўйин кўрсатди. Аммо баъзи бир хавфли вазиятларда Ботирали Эргашев дарвозамиз дахлсизлигини сақлаб қолди
— Андижон ўйингоҳидаги муҳит ҳақида ва мухлисларга тилакларингизни билдириб ўтсангиз
— Мухлисларимизга чексиз миннатдорчилигимни билдирмоқчиман. Чунки улар ўйин олдидан ва ундан сўнг ажойиб байрамона муҳитни яратдилар. Мухлисларимизга соғлик саломатлик, жамоамизга эса доимий ишонч билдиришларини тилайман.
