Vitaliy Galat: Penaltilar borasida xavotirlar borligini inkor etmayman
Superkubok uchrashuvidan so‘ng “Neftchi” jamoasi darvozabonlar murabbiyi Vitaliy Galat bilan intervyu
— Avvalom bor Superkubok bahsidagi g‘alaba bilan tabriklaymiz.Qo‘lga kiritilgan sovrin sizda qanday xis tuyg‘ularni uyg‘otdi?
— Tabrik uchun rahmat.Barchani ushbu g‘alaba bilan muborakbod etaman.Superkubok juda ahamiyatli sovrin.Shuning uchun g‘alabadan keyin quvonch va g‘urur tuyg‘usini boshdan kechirdim
— Shogirdlaringizni ushbu muhim uchrashuvga ruhlantirish ishlari qanday kechdi?
— Tajribali futbolchilarni ruhlantirish uchun unchalik dalda kerak emas,deb o‘ylayman.Ular maydonda faqat ishonch bilan harakatlanishlariga ishora qilaman
— Kubok o‘yini oldidan xavotirlar bo‘lganmi?
— Penaltilar borasida xavotirlar borligini inkor etmayman. Chunki "Paxtakor" bilan o‘yindan oldin penaltilarni kimlar va qanday ijro etishini o‘rganib chiqqan edik
— Superkubok bahsidan so‘ng eng yaxshi o‘yinchilarni aytib bera olasizmi?
— Butun jamoamiz qoyilmaqom o‘yin ko‘rsatdi.Ammo ba’zi bir xavfli vaziyatlarda Botirali Ergashev darvozamiz daxlsizligini saqlab qoldi
— Andijon o‘yingohidagi muhit haqida va muxlislarga tilaklaringizni bildirib o‘tsangiz
— Muxlislarimizga cheksiz minnatdorchiligimni bildirmoqchiman.Chunki ular o‘yin oldidan va undan so‘ng ajoyib bayramona muhitni yaratdilar. Muxlislarimizga sog‘lik salomatlik, jamoamizga esa doimiy ishonch bildirishlarini tilayman.
