Виртц — «Ливерпуль»да январь ойининг энг яхши футболчиси
Ўтган ойда у 9 та ўйинда майдонга тушиб, 5 та гол ва 2 ассистни қайд этди.
ФОТО: Getty images
“Ливерпуль” ярим ҳимоячиси Флориан Вирц ўтган ойни юқори нотада ўтказди.
Натижада 22 ёшли германиялик футболчи жамоада январь ойининг энг яхши футболчиси деб топилди. Бу ҳақда “қизиллар” матбуот хизмати хабар берди.
Хавбек ўтган ой давомида Арне Слот жамоаси сафида 9 та ўйинда майдонга тушиб, 5 та гол ва 2 та голли узатмани ўз ҳисобига ёздириб қўйди.
Флориан Вирц жорий мавсум бошида Леверкузеннинг “Байер” клубидан 125 млн евро эвазига “Ливерпул”га ўтган эди.
“Ливерпул” эса Англия Премьер-лигаси турнир жадвалида 39 очко тўплаб, 6-ўринда бормоқда.
Розикжон Султонмуродов
Журналист