Виртц — Kicker талқинига кўра Германияда йил футболчиси
Фото: Getty Images
“Ливерпуль” яримҳимоячиси Флориан Виртц Kicker нашри томонидан спорт журналистлари ўртасида ўтказилган йиллик сўровномада Германиянинг энг яхши футболчиси деб топилди.
Номзодлар орасида Германия паспортига эга бўлган футболчилар, шунингдек, Бундеслигада ўйнаётган исталган миллат ўйинчилари бўлиши мумкин эди.
Сўров натижаларига кўра, “Байер”нинг собиқ ҳавбеки 191 та овоз олди. “Бавария”нинг франциялик вингери Майкл Олисе 81 овоз билан иккинчи ўринни эгаллади. “Штутгарт”нинг германиялик ҳужумчиси Ник Волтемаде 71 овоз билан учинчи поғонадан жой олди.
Ўтган мавсумда 22 ёшли Виртц барча турнирларда 45 та ўйин ўтказиб, 16 та гол урган ва 15 та голли узатмани амалга оширган.
Розикжон Султонмуродов
Журналист