Винисиус дунёнинг энг қиммат футболчилари рейтингида 10-ўринга тушди
Transfermarkt футболчиларнинг янгиланган бозор қийматларини эълон қилди. Рейтингда Ламин Ямал ва Эрлинг Холанд 220 миллион евролик баҳо билан биринчи ўринни бўлишиб турибди, Килиан Мбаппе эса 200 миллион евро билан учинчи поғонани эгаллаган. Винисиус Жуниорнинг қиймати эса 10 миллион еврога пасайиб, 130 миллион еврони ташкил этди ва бразилиялик футболчи 10-ўринга тушди. Бу ҳақда Transfermarkt нашри хабар бермоқда.
Манбага кўра, рейтингнинг юқори қисмида Майкл Олисе 180 миллион евро билан 4-ўрин, Жуд Беллингем 160 миллион евро билан 5-ўрин, Педри эса 150 миллион евро билан 6-ўринни эгаллаган. Жоау Невеш, Хвича Кварацхелия ва Витинья эса 140 миллион евролик қиймат билан 7-ўринни бўлишиб турибди.
Винисиуснинг бозор қиймати пасайиши унинг дунёнинг энг қиммат футболчилари орасидаги ўрнига ҳам таъсир қилди. Аввалроқ юқори поғоналарда бўлган «Реал Мадрид» вингери эндиликда 130 миллион евролик баҳо билан кучли ўнликни якунлаб турибди.
Маълумот учун, Transfermarkt рейтингидаги кучли ўнлик қуйидагича: Ламин Ямал — 220 млн евро, Эрлинг Холанд — 220 млн, Килиан Мбаппе — 200 млн, Майкл Олисе — 180 млн, Жуд Беллингем — 160 млн, Педри — 150 млн, Жоау Невеш — 140 млн, Хвича Кварацхелия — 140 млн, Витинья — 140 млн ва Винисиус Жуниор — 130 млн евро.
