«Вильярреал» Алфонсо Педрасанинг жамоадан кетиши эълон қилди
Испаниянинг «Вильярреал» клуби ҳимоячиси Алфонсо Педраса жорий мавсум якунлангач, жамоани тарк этади. Бу ҳақда клуб расмий сайти хабар берди.
«Вильярреал» ва Алфонсо Педраса ўртасидаги ҳамкорлик 2025/2026 йилги мавсум охирида яхунига етади. Шу тариқа, тажрибали ҳимоячининг «сариқ сувости кемаси» билан боғлиқ бўлган 15 йиллик муваффақиятли даври ниҳоясига етаётгани қайд этилди.
«Клуб академиясидан етишиб чиққан андалусиялик футболчи асосий жамоа сафида жами 234 та учрашувда майдонга тушди. У 2021 йилда Европа лигасида ғолиб чиқиш, УЕФА Суперкубогига қатнашиш ҳамда 2022 йилда Чемпионлар Лигаси ярим финалигача етиб боришда улкан ҳисса қўшиб, „Вильярреал“ тарихиcидаги энг муҳим футболчилардан бирига айланди. 24-рақамли футболчи ўзининг клубдаги фаолиятини жамоанинг кетма-кет иккинчи марта Европанинг энг нуфузли турнири (ЙЧЛ) йўлланмасини қўлга киритиши билан якунламоқда», — дейилади клуб баёнотида.
