Вилсон Изидор “Сандерленд” билан шартномасини узайтирди

“Сандерленд” ҳужумчиси Вилсон Изидор клуб билан янги шартнома имзолади. Англия клуби футболчининг 26 ёшга тўлган кунида келишув 2030-йилгача узайтирилганини расман эълон қилди.

Изидор “Сандерленд”га 2024-йил августда Санкт-Петербургнинг “Зенит” клубидан ижара асосида келган. 2025-йил февралда эса инглиз клуби ҳужумчини тўлиқ сотиб олган.

Франциялик футболчи “Сандерленд”даги илк мавсумида 12 та гол уриб, жамоанинг Премьер-лигага қайтишига ёрдам берди. У Чемпионшип плей-офф ярим финалида “Ковентри Сити”га қарши сафар учрашувида муҳим голлардан бирини киритган.

Маълумот учун, Изидор ҳозиргача “Сандерленд” сафида барча мусобақаларда 82 та учрашувда майдонга тушиб, 19 та гол урган.

Насрулло Каримов

Журналист

0 0 0 0 0 0