Vilson Izidor “Sanderlend” bilan shartnomasini uzaytirdi

“Sanderlend” hujumchisi Vilson Izidor klub bilan yangi shartnoma imzoladi. Angliya klubi futbolchining 26 yoshga to‘lgan kunida kelishuv 2030-yilgacha uzaytirilganini rasman e’lon qildi.

Izidor “Sanderlend”ga 2024-yil avgustida Sankt-Peterburgning “Zenit” klubidan ijara asosida kelgan. 2025-yil fevralida esa ingliz klubi hujumchini to‘liq sotib olgan.

Fransiyalik futbolchi “Sanderlend”dagi ilk mavsumida 12 ta gol urib, jamoaning Premyer-ligaga qaytishiga yordam berdi. U Chempionship pley-off yarim finalida “Koventri Siti”ga qarshi safar uchrashuvida muhim gollardan birini kiritgan.

Ma’lumot uchun, Izidor hozirgacha “Sanderlend” safida barcha musobaqalarda 82 ta uchrashuvda maydonga tushib, 19 ta gol urgan.

Nasrullo Karimov

Jurnalist

0 0 0 0 0 0