Виллиан Бразилия клуби билан шартнома имзолади
ФОТО: Getty images
Виллиан Бразилиянинг “Гремио” клуби билан шартнома имзолади. Бу ҳақда клуб расмий сайти хабар бермоқда.
37 ёшли ярим ҳимоячи билан тузилган шартнома 2026 йилнинг охиригача амал қилади ва уни яна 1 мавсумга узайтириш мумкин.
Виллианнинг сўнгги клуби Англиянинг "Фулхэм"и бўлиб, у ёзда шартнома муддати тугаганидан кейин жамоани тарк этган. Бунгача бразилиялик футболчи "Шахтёр", "Анжи", "Челси", "Арсенал", "Олимпиакос ва "Коринтианс" жамоалари шарафини ҳимоя қилган.
Бу вақт ичида у икки марта Англия чемпиони бўлган, икки марта Европа Лигасида ғолиб чиққан, бир марта Англия Кубоги ва Англия Лига Кубоги соҳибига айланган. Бразилия терма жамоаси таркибида Америка Кубогини қўлга киритган.
Розикжон Султонмуродов
Журналист