Виктор Дьёкереш — «Арсенал» футболчиси
Фото: Getty Images
Лондоннинг «Арсенал» клуби швед форварди Виктор Дьёкереш трансферини ниҳоят эълон қилди.
«Тўпчилар» матбуот хизмати хабарига кўра, томонлар ўртасида беш йилга мўлжалланган шартнома имзоланди. «Арсенал» ҳужумчи учун «Спортинг»га 63,5 миллион евро тўлади.
Шунингдек, келишувда 10 миллион евро бонус ҳам назарда тутилган.
Маълумот учун, Дьёкереш ўтган мавсум «Спортинг» сафида жами 52 та ўйинда майдонга тушиб, 54 та гол урди ва 11 та голли узатмани амалга оширди. Ҳаммаси бўлиб, «Спортинг» сафида барча турнирларда 102 та ўйинда Дьёкереш 97 та гол урган.
Баҳром Бобонов
Редактор
