«Вест Хэм» Касадо учун 30 млн евро таклиф қилди
"Барселона" ярим ҳимоячиси Марк Касадо АПЛга кўчиб ўтиши мумкин. Бу ҳақда The Athletic хабар берди.
Манбага кўра, "Вест Хэм" ва "Вулверхэмптон" клублари унга қизиқмоқда.
“Болғачилар” 21 ёшли испаниялик футболчининг трансфери учун 30 млн евро таклиф қилди.
Шунингдек, футболчига “Бетис” ва “Жирона” жамоалари ҳам қизиқиш билдираётгани хабар қилинганди.
Ўз навбатида футболчи “Барселона”да қолишни ва асосий таркиб учун курашишни режалаштирган.
Ўтган мавсумда ярим ҳимоячи барча мусобақаларда 36 та ўйинда иштирок этиб, битта гол урди ва олтита голли узатмани амалга оширди.
Футболчининг клуб билан амалдаги меҳнат шартномаси 2028 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 30 миллион еврони ташкил этади.
