«Вест Ҳем» Сантуни ишдан бўшатилмайди
“Вест Ҳем Юнайтед” бош мураббийи Нуну Эшпириту Санту клуб Англия Премьер-лигасидан чиқиб кетган тақдирда ҳам ўз лавозимида қолиши мумкин, деб хабар беради The Telegraph.
Нуну “Ноттингем Форест”дан ишдан бўшатилганидан атиги 18 кун ўтиб, Грэм Поттер ўрнига сентябрдан бери клубни бошқариб келмоқда.
Ўша пайтда “Вест Ҳем” турнир жадвалида 19-ўринни эгаллаб турган эди ва январгача клуб мухлисларини ижобий натижалар билан хурсанд қилмади, шу сабабли Санту билан хайрлашиш мумкинлиги ҳақида миш-мишлар тарқалган эди.
Жумладан, қишки трансферлар ёрдамида Нуну жамоа ўйинини барқарорлаштиришга ва хавфли зонанинг устига кўтарилишга муваффақ бўлди, бироқ “Тоттенҳем”нинг кетма-кет иккита ғалабасидан сўнг “болғачилар” яна турнир жадвалининг қуйи поғонасига тушиб қолди.
Шунга қарамай, бу мавсум қандай якунланишидан қатъи назар, Лондон клуби раҳбарлари Нунунг ишидан мамнун ва португалиялик мутахассиснинг қолишини исташмоқда, дея таъкидлайди The Telegraph.
