«Вест Ҳем» абонементлар сотуви бўйича рекорд ўрнатди
Жамоа мухлислари жамоасидан юз ўгирмади.
ФОТО: Getty Images
«Вест Ҳем» Премьер-лигадан тушиб кетганига қарамай, клуб мухлислари жамоани қўллаб-қувватлашда давом этмоқда. Лондон клуби 2026/27-йилги мавсум учун 50 мингта мавсумий абонемент сотиб, ўз тарихидаги энг юқори кўрсаткични қайд этди. Бу натижа ўтган мавсумдагидан ҳам юқори бўлди.
Шу тариқа «Вест Ҳем» Чемпионшип тарихи учун энг йирик мавсумий абонемент сотувларидан бирини расмийлаштирди. Клуб раҳбарияти мухлисларнинг бундай ишончи жамоанинг элитага қайтиш йўлидаги энг катта мотивация эканини таъкидламоқда.
Эслатиб ўтамиз, «Вест Ҳем» ўтган мавсум якунига кўра Премьер-лигани тарк этган эди. Шунга қарамай, мухлислар жамоадан юз ўгирмай, янги мавсум олдидан рекорд даражада абонемент харид қилишди.
Насрулло Каримов
Журналист