“Vest Hem” abonementlar sotuvi bo‘yicha rekord o‘rnatdi

“Vest Hem” Premyer-ligadan tushib ketganiga qaramay, klub muxlislari jamoani qo‘llab-quvvatlashda davom etmoqda. London klubi 2026/27-yilgi mavsum uchun 50 mingta mavsumiy abonement sotib, o‘z tarixidagi eng yuqori ko‘rsatkichni qayd etdi. Bu natija o‘tgan mavsumdagidan ham yuqori bo‘ldi.

Shu tariqa “Vest Hem” Chempionship tarixidagi eng yirik mavsumiy abonement sotuvlaridan biriga erishdi. Klub rahbariyati muxlislarning bunday ishonchi jamoaning elitaga qaytish yo‘lidagi eng katta motivatsiya ekanini ta’kidlamoqda.

Eslatib o‘tamiz, “Vest Hem” o‘tgan mavsum yakunlariga ko‘ra Premyer-ligani tark etgan edi. Shunga qaramay, muxlislar jamoadan yuz o‘girmay, yangi mavsum oldidan rekord darajada abonement xarid qilishdi.

Nasrullo Karimov

Jurnalist