«Верона» ҳужумчиси «Милан»га қарши ўйиндан сўнг мухлис билан муштлашиб кетди
Ушбу тортишув меҳмонхона ходимининг аралашуви билан тўхтатилди.
ФОТО: Getty Images
«Верона» ҳужумчиси Гифт Орбан А Сериянинг 33-туридан ўрин олган «Милан»га қарши ўйиндан (0:1) сўнг мухлис билан муштлашиб кетди. Бу ҳақда Corriere Dello Sport нашри хабар бермоқда.
Нашр маълумотларига кўра, Орбан фанат билан суратга тушиш учун ўз автомобилини тўхтатишдан бош тортган, шундан сўнг мухлис машинага зарба берган. Натижада, нигериялик форвард машинанинг ичида чиқиб, ишқибоз билан жанжаллашган.
Муштлашув меҳмонхона ходимининг аралашуви билан тўхтатилган ва у Орбанни яна машинага ўтиришга мажбур қилган.
Айни дамда «Верона» Италия чемпионати турнир жадвалида 33 та ўйиндан сўнг 18 очко жамғарган ҳолда охиридан битта олдинги — 19-ўринни эгаллаб турибди.
Насрулло Каримов
Журналист