Венсан Компани: «Мураббий бўлишимда Пепнинг таъсири катта бўлган»
Мюнхеннинг «Бавария» клуби бош мураббийи ва «Манчестер Сити»нинг собиқ футболчиси Венсан Компани Пеп Гвардиоланинг жорий мавсум якунида инглиз клубини тарк этиш қарорини муносабат билдирди.
«Гвардиоланинг менга кўрсатган таъсири? Албатта, менинг ўз характерим ва шахсиятим бор. Аммо мен Пепга менга ишонгани ва мураббий бўлишимга кўзи етгани учун миннатдорчилик билдиришим керак. Унинг таъсири жуда улкан бўлган.
Одамлар тактика ва техника ҳақида кўп гапиришади, лекин якунда ҳаммаси ғалаба қозониш истагига ва доимо олдинга интилувга бориб тақалади. Пеп билан ишлаш мен учун совға эди. У билан ўтказган йилларим ичимда мураббий бўлиш истагини уйғотган», — дейди Компани.
Маълумот учун, 55 ёшли Пеп Гвардиола «Манчестер Сити»даги 10 йиллик фаолияти давомида 20 та соврин ютди. Улар орасида АПЛдаги 6 та чемпионлик ва Чемпионлар Лигаси ғолиблиги бор.
