Ван Дейк: «Танқид — ўйиннинг бир қисми, буни ҳаммамиз тушунамиз, лекин у жуда ҳурматсизлик қилди»
«Ливерпул» жамоаси сардори Виржил ван Дейк Чемпионлар Лигаси умумий босқичининг 7-тури олдидан бош мураббий Арне Слотга қачон Хаби Алонсо келиши ҳақида савол берган журналистни кескин танқид қилди.
«Бу жуда ҳурматсизлик эди. Танқид — ўйиннинг бир қисми, буни ҳаммамиз тушунамиз. Аммо, менимча, айнан шу сабабли ўша журналист ҳозир бу ерда йўқ. Танқид — ишимиздан ажралмас қисм, биз бунга кўникканмиз ва, ростини айтсам, бу мавсумдаги ўйинларимизни ҳисобга олсак, афсуски, у маълум даражада ўзини оқлайди, айниқса ўтган мавсум фонида», — дея ван Дейкнинг сўзларини келтиради Daily Mail.
Эслатиб ўтамиз, ушбу турда «Ливерпул» ўз майдонида «Марсель»ни 3:0 ҳисобида мағлуб этди. Мерсисайдликлар етти турдан сўнг 15 очко жамғариб, Чемпионлар Лигаси турнир жадвалида тўртинчи ўринни эгаллаб турибди.
