Van Deyk: «Tanqid — oʻyinning bir qismi, buni hammamiz tushunamiz, lekin u juda hurmatsizlik qildi»
«Liverpul» jamoasi sardori Virjil van Deyk Chempionlar Ligasi umumiy bosqichining 7-turi oldidan bosh murabbiy Arne Slotga qachon Xabi Alonso kelishi haqida savol bergan jurnalistni keskin tanqid qildi.
«Bu juda hurmatsizlik edi. Tanqid — o‘yinning bir qismi, buni hammamiz tushunamiz. Ammo, menimcha, aynan shu sababli o‘sha jurnalist hozir bu yerda yo‘q. Tanqid — ishimizning ajralmas qismi, biz bunga ko‘nikkanmiz va, rostini aytsam, bu mavsumdagi o‘yinlarimizni hisobga olsak, afsuski, u ma’lum darajada o‘zini oqlaydi, ayniqsa o‘tgan mavsum fonida», — deya van Deykning so‘zlarini keltiradi Daily Mail.
Eslatib o‘tamiz, ushbu turda «Liverpul» o‘z maydonida «Marsel»ni 3:0 hisobida mag‘lub etdi. Merseysaydliklar yetti turdan so‘ng 15 ochko jamg‘arib, Chempionlar Ligasi turnir jadvalida to‘rtinchi o‘rinni egallab turibdi.
