Ван Дейк Нидерландия терма жамоасидаги фаолиятини якунлаши мумкинлиги ҳақида фикр билдирди
"Ливерпуль" ва Нидерландия терма жамоаси ҳимоячиси Виржил ван Дейк 2026-йилги жаҳон чемпионатида сўнг халқаро фаолиятини якунлаши мумкинлиги ҳақида фикр билдирди.
"[ЖЧ-2026] Нидерландия терма жамоаси таркибидаги сўнгги турнирим бўламанми-йўқми, буни ҳали билмайман. Бу ҳақда фақат жаҳон чемпионати якунланганидан сўнг ўйлашни бошлайман. Ўшанда тикланиш ва ниҳоят ўтган мавсумда "Ливерпуль"да содир бўлган барча воқеаларни ҳазм қилиш учун таътилга чиқаман.
Умид қиламанки, мен бунга Жаҳон кубогини қўлга киритиб эришаман. Ўшанда мен ғалаба қозонаман — сиз ҳам. Бутун Нидерландия, ҳаммамиз биргаликда", — дея ван Дейкнинг сўзларидан иқтибос келтиради NU.
Нидерландия терма жамоаси футбол бўйича 2026-йилги жаҳон чемпионатида F гуруҳида Япония, Швеция ва Тунис жамоалари билан ўйнайди.
