Van Deyk Niderlandiya terma jamoasidagi faoliyatini yakunlashi mumkinligi haqida fikr bildirdi
"Liverpul" va Niderlandiya terma jamoasi himoyachisi Virjil van Deyk 2026-yilgi jahon chempionatidan keyin xalqaro faoliyatini yakunlashi mumkinligi haqida fikr bildirdi.
"[JCh-2026] Niderlandiya terma jamoasi tarkibidagi so‘nggi turnirim bo‘ladimi-yo‘qmi, buni hali bilmayman. Bu haqda faqat jahon chempionati yakunlanganidan keyin o‘ylashni boshlayman. O‘shanda tiklanish va nihoyat o‘tgan mavsumda "Liverpul"da sodir bo‘lgan barcha voqealarni hazm qilish uchun ta’tilga chiqaman.
Umid qilamanki, men buni Jahon kubogini qo‘lga kiritgan holda qila olaman. O‘shanda men g‘alaba qozonaman — siz ham. Butun Niderlandiya, hammamiz birgalikda", — deya van Deykning so‘zlaridan iqtibos keltiradi NU.
Niderlandiya terma jamoasi futbol bo‘yicha 2026-yilgi jahon chempionatida F guruhida Yaponiya, Shvetsiya va Tunis jamoalari bilan o‘ynaydi.
