Ван Дейк “Ливерпуль”ни тарк этиб, Саудия Арабистонига йўл олиши мумкин
Ҳозирча мерсисайдликлар футболчига янги келишув таклиф қилиш ёки уни эркин агент сифатида қўйиб юбориш бўйича якуний қарорга келмаган.
Фото: Getty Images
“Ливерпуль” сардори Виржил ван Дейк жорий мавсум якунлангач клубни тарк этиши мумкин. 35 ёшли нидерландиялик ҳимоячига Саудия Арабистони, MLS ва Туркия клублари қизиқиш билдирмоқда.
Ван Дейкнинг “Ливерпуль” билан амалдаги шартномаси 2027-йил ёзида якунига етади. Ҳозирча мерсисайдликлар футболчига янги келишув таклиф қилиш ёки уни эркин агент сифатида қўйиб юбориш бўйича якуний қарорга келмаган.
Манбага кўра, Саудия Арабистони клублари ҳимоячига катта молиявий таклиф билан чиқиши мумкин. Ван Дейкнинг ўзи ҳам келажаги бўйича турли вариантларни кўриб чиқишга тайёр экани айтилмоқда.
Маълумот учун, Ван Дейк “Ливерпуль” сафида 2018-йилдан буён тўп суриб келмоқда. Жорий мавсумда у барча мусобақаларда 4 та учрашувда майдонга тушган.
