Ван де Вен Александр Исакдан узр сўради
«Тоттенҳэм» ҳимоячиси Микки ван де Вен «Ливерпуль» ҳужумчиси Александр Исакдан оғир жароҳатга сабаб бўлган кескин подкат учун узр сўради. Нидерландиялик футболчи ўз ҳаракатларида қасддан қўполлик бўлмаганини таъкидлади.
«Мен фақат унинг "зарбасини" тўсишга ҳаракат қилдим, бунда ҳеч қандай ёмон ният йўқ эди. Афсуски, Исакнинг оёғи оёқларим орасидан сирғалиб кетди… Унга соғлиқ тилаб, хабар юборман, у менга жавоб қайтарди. Уни имконият борича тезроқ яна майдонда кўришга умид қиламан», — дея ван де Веннинг сўзларини келтиради Footmercato.
Аввалроқ «Ливерпуль» бош мураббийи Арне Слот Микки ван де Веннинг подкатини хавфли ва эҳтиётсиз деб баҳолаган эди.
Швециялик ҳужумчи Александр Исак «Ливерпуль» сафига ўтган трансфер ойнасида келиб қўшилган. У мерсисайдликлар сафида 16 та учрашувда майдонга тушиб, 3 та гол урди ва 1 та голли узатмага муаллифлик қилди.
