Ван-Биссака «Астон Вилла»га ўтиш учун тиббий кўрикдан ўтмоқда
«Вест Хэм» ва Конго ДР терма жамоаси ҳимоячиси Аарон Ван-Биссака «Астон Вилла»га ўтиш арафасида. 28 ёшли футболчи Бирмингем клубига тиббий кўрикдан ўтиш учун етиб келган.
Инсайдер Фабрицио Романо маълумотига кўра, клублар Ван-Биссака трансфери бўйича тўлиқ келишувга эришган. Футболчи «Астон Вилла» сафида ижара асосида тўп суришни бошлайди.
Шунингдек, Бирмингем клуби яқин вақт ичида Зион Сузуки ва Маттео Руджерининг трансферларини ҳам расман эълон қилиши кутилмоқда. Шу тариқа, «Астон Вилла» янги мавсум олдидан таркибини бир неча футболчи билан кучайтиришга тайёргарлик кўрмоқда.
Маълумот учун, Ван-Биссака «Вест Хэм» сафида 2024 йилдан буён тўп сурмоқда. У лондонликлар таркибида 65 та учрашув ўтказиб, 2 та гол урган ва 3 та голли узатмани амалга оширган.
