Вальверде ва Чуамени ўртасидаги низо давом этмоқда
Мадриднинг «Реал» клуби сардори Федерико Вальверде жамоа яримҳимоячиси Аурелиан Чуамени-ни чоршанба куни, 6 майдаги машғулотда содир бўлган низо ҳақидаги маълумотларни ОАВга сиздирганликда айблади. Бу ҳақда AS нашри хабар бермоқда.
Манба берган маълумотларга кўра, франциялик футболчи ушбу айбловларни рад этиб, матбуот билан ҳеч қандай алоқаси йўқлигини таъкидлаган. Бироқ, Вальверде бугунги машғулот вақтида ҳам майдоннинг ўзида Чуамени-нинг ушбу маълумотлар тарқалишига алоқадорлиги ҳақидаги фикрини билдиришда давом этган. Натижада, машғулотлар якунлангач, футболчилар ўртасида яна муштлашув келиб чиққан ва унда уругвайлик ўйинчининг боши ёрилган.
Эслатиб ўтамиз, аввалроқ клуб президенти Флорентино Перес вазиятга шахсан аралашгани ва ҳар икки футболчига нисбатан интизомий чоралар кўрилиши ҳақида хабарлар тарқалган эди.
