Вальверде Чемпионлар Лигасида хет-трик қайд этган тарихдаги иккинчи уругвайлик футболчига айланди
UEFA Чемпионлар Лигасининг 1/8 финал босқичи доирасидаги «Реал» ва «Манчестер Сити» жамоалари ўртасидаги баҳс бўлиб ўтди. Унда испанлар 3:0 ҳисобида ғалаба қозонди.
Мадридликлар яримҳимоячиси Федерико Вальверде биринчи бўлимдаёқ хет-трик қайд этиб, тарихий натижага эришди.
Вальверде Чемпионлар Лигаси тарихида хет-трик қайд этган иккинчи уругвайлик футболчига айланди. Бунгача ушбу нуфузли турнирда «Депортиво» клубининг собиқ ҳужумчиси Валтер Пандиани 2000/2001 йилги мавсумда хет-трик муаллифи бўлган эди.
Жамоалар ўртасидаги жавоб учрашуви 17 март куни Манчестердаги «Этихад» стадионида бўлиб ўтади.
«Реал» плей-офф босқичига қадар «Бенфика»ни икки ўйин натижасига кўра 3:1 ҳисобида мағлуб этган бўлса, «Манчестер Сити» умумий босқичда 16 очко жамғариб, турнир жадвалида саккизинчи ўринни эгаллаган эди.
