Валентин Барко «Челси»га ўтиш арафасида
«Страсбург» ярим ҳимоячиси Валентин Барко яқин вақт ичида «Челси» футболчисига айланиши мумкин. Бу ҳақда DNA Sports нашри хабар берди.
Манбага кўра, Лондон клуби аргентиналик футболчининг трансфери бўйича деярли тўлиқ келишувга эришган. «Кўклар» ушбу ўтиш учун Франция клубига 40 миллион евро тўлайди.
Қайд этилишича, трансфер 2026 йилги жаҳон чемпионати якунланганидан сўнг расмийлаштирилади. Айни пайтда Барко мундиалда ўз терма жамоаси сафида иштирок этмоқда.
Валентин Барко 2025 йилда «Брайтон»дан 10 миллион евро эвазига «Страсбург»га кўчиб ўтган эди. Унинг француз клуби билан шартномаси 2029 йилнинг 30 июнига қадар амал қилади.
2025/2026 йилги мавсумда аргентиналик ярим ҳимоячи барча мусобақаларда 43 та учрашувда майдонга тушиб, 3 та гол урди ва 9 та голли узатмани амалга оширди. Transfermarkt маълумотларига кўра, унинг бозор қиймати 40 миллион еврога баҳоланмоқда.
