«Вахима қилишга ҳожат йўқ» — Харри Кейн «Бавария»даги келажаги ҳақида гапирди
«Бавария» ҳужумчиси Харри Кейн Мюнхен клубидаги келажаги борасидаги саволларга жавоб берди. 32 ёшли футболчининг амалдаги шартномаси 2027 йилнинг ёзига қадар мўлжалланган.
«Ҳозир бу ҳақда гапирадиган вақт эмас, аммо ваҳимага ҳам ўрин йўқ. Биз музокараларни мавсум якунланишидан олдин бошламоқчи эдик, бироқ олдинда бизни Жаҳон чемпионати кутяпти. Шундай бўлса-да, бу ер менга қанчалик ёқишини барча билади. Бу ерда муҳит жуда хотиржам.
Мюнхенда узоқроқ қолиш имкониятига келсак, мен буни аниқ кўриб чиқаман. Бу борада «Бавария» билан ҳали гаплашганимиз йўқ, аммо таклиф бўлса, очиқ мулоқотга тайёрман. Албатта, барчаси кейинги йил қандай ўтиши ва нималарга эришишимизга боғлиқ», — дея Кейннинг сўзларини келтирмоқда Daily Mail.
Маълумот учун, англиялик ҳужумчи 2023 йилнинг ёзидан буён Мюнхен клуби шарафини ҳимоя қилиб келмоқда. Якуналаниб бораётган мавсумда Кейн барча турнирларда 51 та ўйинда майдонга тушиб, даҳшатли статистика қайд этди — 61 та гол ва 7 та голли узатма.
