UzFHM Андижон – ОКМК учрашувидаги баҳсли вазият бўйича изоҳ берди
Бош ҳакамнинг якуний қарорига кўра, гол ҳисобга олинди.
Photo: Andijon FK
Ўзбекистон Суперлигаси 23-туридан ўрин олган “Андижон” – ОКМК баҳсининг 30-дақиқасида мезбонлар томонидан киритилган гол юзасидан ҳакамлар бригадаси VAR орқали текширув ўтказди.
Мазкур эпизодда чизиқ ҳаками дастлаб офсайд эҳтимолини қайд этган бўлса-да, бош ҳакам VAR хонасидан олинган кўрсатмаларни инобатга олиб вазиятни батафсил кўриб чиқди.
Видео такрорий кўрсатмалар асосида ҳужум пайтида “Андижон” футболчиси офсайд чизиғидан тўлиқ чиқмаганлиги аниқланди. Шу боис бош ҳакамнинг якуний қарорига кўра, гол ҳисобга олинди.
Иброҳим Жалолов
Редактор