Ҳусниддин Алиқулов жароҳат сабабли ЖЧда иштирок эта олмайдиган бўлди
Клуб шифокорларининг хабар беришича, футболчи яқин 6-9 ой майдонга туша олмайди.
ФОТО: Getty images
Футбол бўйича Ўзбекистон миллий терма жамоаси ва Туркиянинг "Чайкур Ризеспор" клуби ҳимоячиси Ҳусниддин Алиқулов Туркия Суперлигасининг "Гёзтепе"га қарши ўйинида тиззасидан оғир жароҳат олди.
Клуб шифокорларининг хабар беришича, футболчи яқин 6-9 ой майдонга туша олмайди ва катта эҳтимол билан 2026 йилги жаҳон чемпионатини ўтказиб юборади.
Тез орада ҳимоячи операция қилиниши керак, шундан сўнг тикланиш тахминан 6 ойдан 9 ойгача давом этади. Шу сабабли Ҳусниддин Алиқуловнинг мавсумнинг қолган ўйинларида майдонга тушиши ва Ўзбекистон миллий терма жамоаси сафида 2026 йилги жаҳон чемпионатида иштирок этиши катта сўроқ остида қолмоқда.
Розикжон Султонмуродов
Журналист