Усмон Дембеле ПСЖ билан янги шартнома бўйича келишувга эришди

ПСЖ ҳужумчиси Усмон Дембеле Париж клубидаги фаолиятини давом эттиради. 29 ёшли франциялик футболчи клуб билан янги узоқ муддатли шартнома шартларини келишиб олди. Бу ҳақда L’Équipe хабар берди.

Янги келишув 2030 йилнинг ёзигача мўлжалланган. Томонлар шартномани яқин ҳафталарда расман имзолаши кутилмоқда.

Дембелега Саудия Арабистони клублари ҳам қизиқиш билдирган, бироқ футболчи Парижда қолишга қарор қилган.

Маълумот учун, Дембеле ПСЖ сафида 2023 йилдан буён тўп сурмоқда. У парижликлар таркибида 138 та учрашувда майдонга тушиб, 61 та гол урган ва 43 та голли узатма амалга оширган.

Насрулло Каримов

Журналист

0 0 0 0 0 0