Ҳусановни ижарага олмоқчи бўлган клуб Лига 1дан четлатилди
ФОТО: Getty Images
Франциянинг “Лион” клуби молиявий ҳисоботларни бузгани учун Лига 1дан четлатилди ва ички чемпионатнинг иккинчи дивизионига ўтказилди. Бу ҳақда RMC Sport хабар бермоқда.
Манбага кўра, қарор Миллий маъмурият назорат департаменти йиғилишида қабул қилинган. Қайд этилишича, “Лион”да апелляция бериш ҳуқуқи мавжуд.
Эслатиб ўтамиз, аввалроқ “Лион” Абдуқодир Ҳусановни ижарага олиш мақсадида “Манчестер Сити” раҳбарияти билан боғланган эди, бироқ “шаҳарликлар” бу таклифга рад жавобини берди.
Маълумот учун, “Лион” ўтган мавсум Лига 1да 57 та очко жамғариб, 6-ўринни эгаллади. Клуб кейинги мавсум Европа Лигасида иштирок этади.
Насрулло Каримов
Журналист