Урош Койич — ОКМК ФК футболчиси

Олмалиқнинг ОКМК ФК жамоаси таркибни кучайтиришда давом этмоқда. Сербиялик ҳужумкор ярим ҳимоячи Урош Койич билан расман шартнома имзоланди. Клуб ва футболчи ўртасидаги ҳамкорлик келишуви «2+1» тизимида расмийлаштирилди.

22 ёшли янги футболчимиз асосан Сербия чемпионатларида тобланган бўлиб, фаолияти давомида «Боратс», «Инжија» ва «Лозница» каби клублар шарафини ҳимоя қилган. У профессионал даражада жами 87 та ўйинда майдонга тушиб, ўз ҳисобига 17 та гол ва 4 та голли узатмани ёздириб қўйишга муваффақ бўлган.

Шунингдек, Урош Койич профессионал фаолиятига қадар «Вождовац U-19» жамоаси сафида 33 та учрашувда иштирок этиб, 4 бор рақиблар дарвозасини ишғол этган.

Розикжон Султонмуродов

Журналист