Уоткинс жароҳат сабаб Англия терма жамоасини тарк этди
У Уэльсга қарши ўртоқлик ўйинида олган жароҳатидан кейин ҳали тикланмаган.
ФОТО: Getty images
Ҳужумчи Олли Уоткинс ЖЧ-2026 саралашидан ўрин олган Латвияга қарши ўйинда Англия терма жамоасига ёрдам бермайди. Бу ҳақда Англия футбол Ассоциацияси хабар берди.
Манбага кўра, Уоткинс Уэльсга қарши ўртоқлик ўйинида олган жароҳатидан кейин ҳали тикланмаган.
Натижада инглизлар 22 нафар футболчидан иборат таркибда Ригага йўл олади.
Латвия ва Англия терма жамоалари ўртасидаги баҳс 14 октябрь, сешанба куни бўлиб ўтади.
Маълумот учун, инглизлар саралашнинг барча бешта ўйинида ғалаба қозонишди. Томас Тухель жамоаси Ригада ғалаба қозонса, жаҳон чемпионати йўлланмасини қўлга киритади.
Розикжон Султонмуродов
Журналист
