“Уни тинч қўйинг” — Жулиано Симеоне Альварес ҳақида
“Атлетико Мадрид” ярим ҳимоячиси Жулиано Симеоне жамоадоши Хулиан Альварес атрофидаги трансфер гап-сўзларига муносабат билдирди. Аргентиналик футболчи ҳужумчини танқид ва муҳокамалардан холи қолдириш кераклигини таъкидлади.
“Бу ҳақда гапираётганлар уни тинч қўйиши керак. У биз билан ва биз уни қўллаб-қувватлаймиз”, — деди Симеоне. Унинг таъкидлашича, Альварес жамоа учун жуда муҳим футболчи ва дунёнинг энг яхшиларидан бири ҳисобланади.
Альварес Чемпионлар Лигаси 1-турида “Ливерпуль”га қарши учрашувда Маркос Льорентенинг голига ассистентлик қилди. “Атлетико” сафардаги баҳсда 1:2 ҳисобида имкониятни бой берди.
Маълумот учун, Альвареснинг “Барселона”га эҳтимолий трансфери сўнгги пайтларда яна муҳокама қилинмоқда. El Nacional маълумотига кўра, футболчи январь ойида трансферни талаб қилмоқчи эмас ва камида мавсум охиригача “Атлетико”да қолиши кутилмоқда.
