УЕФАнинг бу ҳафтадаги барча ўйинлари Луческу хотирасига бир дақиқалик сукут билан бошланади
Аввалроқ румин мутахассиси 80 ёшида вафот этганди.
ФОТО: Getty Images
Шу ҳафтада УЕФА шафелигида ўтказиладиган барча клуб миқёсидаги турнир ўйинлари Санкт-Петербургнинг «Зенит» клуби собиқ бош мураббийи Мирча Луческу хотирасига бир дақиқалик сукут сақлаш билан бошланади. Бу ҳақда УЕФА расмий сайти маълум қилди.
Таниқли мутахассис 7 апрель, сешанба куни 80 ёшида вафот этди. Луческу Румыния терма жамоаси машғулоти вақтида аҳволи ёмонлашгани сабабли шифохонага ётқизилган эди. Унга ўткир миокард инфаркти ташхиси қўйилган, 5 апрель куни эса аҳволи оғирлашгани боис сунъий кома ҳолатига ўтказилган эди.
Мирча Луческунинг сўнгги иш жойи Румыния терма жамоаси бўлди. Унинг бошчилигидаги жамоа ЖЧ-2026 йўлланмаси учун ўтказилган ўтиш ўйинларида Туркияга (0:1) имкониятни бой берган эди.
Насрулло Каримов
Журналист