UEFA’ning bu haftadagi barcha oʻyinlari Luchesku xotirasiga bir daqiqalik sukut bilan boshlanadi
Shu haftada UEFA shafeligida o‘tkaziladigan barcha klub miqyosidagi turnir o‘yinlari Sankt-Peterburgning «Zenit» klubi sobiq bosh murabbiyi Mircha Luchesku xotirasiga bir daqiqalik sukut saqlash bilan boshlanadi. Bu haqda UEFA rasmiy sayti ma’lum qildi.
Taniqli mutaxassis 7 aprel, seshanba kuni 80 yoshida vafot etdi. Luchesku Ruminiya terma jamoasi mashg‘uloti vaqtida ahvoli yomonlashgani sababli shifoxonaga yotqizilgan edi. Unga o‘tkir miokard infarkti tashxisi qo‘yilgan, 5 aprel kuni esa ahvoli og‘irlashgani bois sun’iy koma holatiga o‘tkazilgan edi.
Mircha Lucheskuning so‘nggi ish joyi Ruminiya terma jamoasi bo‘ldi. Uning boshchiligidagi jamoa JCH-2026 yo‘llanmasi uchun o‘tkazilgan o‘tish o‘yinlarida Turkiyaga (0:1) imkoniyatni boy bergan edi.
