УЕФАнинг қатор футбол ассотсиациялари Россиянинг халқаро мусобақаларга қайтишига кескин қарши
Англия, Германия, Франция ва яна бир неча УЕФА аъзолари Россияга қўйилган чекловларни бекор қилишни қўллаб-қувватламаяпти.
Фото: Getty Images
Европанинг бир қатор миллий футбол ассотсиациялари Россия терма жамоалари ва клубларининг халқаро мусобақаларга қайтарилиши ғоясига қатъий қарши чиқмоқда.
Хабарларга кўра, Англия, Германия, Франция ва яна бир неча УЕФА аъзолари Россияга қўйилган чекловларни бекор қилишни қўллаб-қувватламаяпти. Уларнинг фикрича, амалдаги тақиқни сақлаб қолиш керак.
Аввалроқ ФИФА Халқаро Олимпия Қўмитасининг (XOҚ) тавсиясидан сўнг Россия масаласини қайта кўриб чиқиши мумкинлиги ҳақида хабарлар тарқалган эди. Бироқ УЕФА ичида бу борада жиддий қаршилик сақланиб қолмоқда ва Россиянинг яқин орада халқаро футболга қайтиши эҳтимоли паст баҳоланмоқда.
Насрулло Каримов
Журналист