UEFA Винисиус билан боғлиқ вазият бўйича расмий баёнот берди
Аввалроқ «Бенфика» ҳужумчиси бразилиялик юлдузни ҳақорат қилганди.
ФОТО: Getty Images
Европа футбол ассотсиациялари иттифоқи (UEFA) Чемпионлар Лигасининг плей-офф босқичи доирасидаги «Бенфика» — «Реал» (0:1) учрашувида Винисиус Жуниорнинг ирқчилик бўйича қилган айбловлари юзасидан изоҳ берди.
«Ҳозирда кеча оқшом бўлиб ўтган ўйинларнинг расмий ҳисоботлари таҳлил қилинмоқда. Агарда қоидабузарликлар аниқланса, иш очилади. Агар ушбу ҳолатлар интизомий жаза чораларига олиб келса, бу ҳақдаги маълумотлар UEFA интизом бўлими расмий сайтида эълон қилинади. Айни босқичда бизда ушбу масала бўйича қўшимча маълумот ёки изоҳ мавжуд эмас», — дейилади UEFA баёнотида.
Эслатиб ўтамиз, аввалроқ UEFA ушбу ҳолат бўйича суриштирув бошлагани ва Килиан Мбаппени ҳам сўроқ қилиши мумкинлиги ҳақида хабарлар тарқалган эди.
Насрулло Каримов
Журналист