UEFA сариқ карточкалар бўйича дисквалификация қоидасини ўзгартирди
Янги тартиб жорий мавсумдан бошлаб кучга киради.
Фото: Getty Images
UEFA Чемпионлар Лигаси, Европа Лигаси ва Конференциялар Лигасининг умумий босқичида сариқ карточкалар тўпланиши билан боғлиқ тартибни янгилади.
Янги қоидага кўра, футболчи энди учта эмас, тўртта сариқ карточка олганидан кейин автоматик равишда бир учрашувга дисквалификация қилинади. Биринчи жазодан сўнг эса дисквалификация ҳар икки навбатдаги огоҳлантиришдан кейин — олтинчи, саккизинчи, ўнинчи сариқ карточкаларда ва шу тартибда қўлланади.
UEFA бу ўзгаришни евроқубокларнинг янги формати билан изоҳлади. Умумий босқичдаги учрашувлар сони кўпаяни сабабли аввалги учта сариқ карточкали лимит футболчиларнинг ўйинларни тез-тез ўтказиб юбориш хавфини оширган.
Насрулло Каримов
Журналист